Sunday, February 12, 2017

Tankwa Trek Dag 3

Ek was gedurende die nag 'n hele paar keer wakker en toe die mense 4:45 begin roer, het ek ook maar aan die gang gekom. Alhoewel ek gistermiddag op die uitslae gesien het dat ek 53 ste klaar gemaak het en ook 'n SMS gekry om dit te bevestig, "verdwyn" my naam later van die uitslae huis. Ek neem dit met die tydhouers op en vanoggend is alles weer in orde. Ek is ook weer terug in groep C vir die begin. 

Die eerste 32 km is op gowone distriks paaie en aangesien dit tot gevolg sal hé dat die groepe goed uitspry, begin almal so te sê saam. Daar was 'n teoretiese gaping van 30 sekondes, maar in dit is nie toegepas nie. 

Ons bereik waterpunt 1 na 1:16 teen 'n gemiddelde spoed van 25.2 kpu. Die volgende 20 km ry ons die ongelooflikste mooi "single tracks" tussen die Cederbergse unieke rots formasie. Dit is 'n ondervinding wat nie lekker in woorde vas gevang kan word nie. Die ervaring en natuurskoon moet eerstehands beleef word. Dit neem ons ongeveer 58 minute om die ervaring te geniet! Dit word gevolg deur 'n rit op die kant van 'n vallei wat baie op en af is met die gevolg dat dit moeilik is om 'n goeie gemiddelde spoed te handhaaf. Die roete bly egter interessant en ek maak goeie vordering.

My agterste "jokey" is 'n bietjie verweer maar het nog heeltyd goed gewerk. Ek was 'n bietjie bekommerd oor die moontlikheid dat hy vir my probleme kon gee. Skielik slaan my agterwiel vas. Gelukkig was dit op ' n klein helling wst tot gevolg gehad het dat ek nie te vinnig gery het nie. Ek inspekteer die skade en suen my agterwiel is skeef. Gelukkig is dit toe net 'n geval dat die as wat die wiel vas hou los gekom het. Ek kry dit gou reggestel deur die wiel behoorlik terug te sit en die as goed was te draai. Verloor dus nie veel tyd nuw en is gou weer aan die gang.

Die laaste 10 km is weer lieflike "single tracks" oor die heuweltjie agter Kaleo waar ons oorgebly het. Daar is 'n paat ryers wat so 'n bietjie sukkel met die tegniese gedeeltes, maar hulle laat my deur en ek voltooi die 85 km in 4:46.

Algehele tyd vir die drie dae is 18:06 en ek eindig 50ste. Die vinnigste tyd was 10:51 en die stadigste 24:14.



Sent from my iPhone

Tankwa trek Dag 2

Daar bars gedurende die nag 'n oorverdowende donderstorm los. Dit is net donderslae en weerlig strale wat duer ligte reën gevolg word. Toe ons opstaan is alles wat buite is, nat. Daar sak ook 'n buitjie uit terwyl ek in die tou staan om in die badkamer te kom. Dit is gelukkig die laaste. 

Na gister is ek opgegradeer na die B groep. As gevolg van gister se opeenhoping aan die begin, begin die groepe vandag 7 minute uit mekaar. Die een voordeel van laas nag se reën is dat die sanderige gedeeltes aan die begin baie makliker ry as gevolg van die klamigheid in die sand. 

Die eerste klim is deur die Dutoit groep se plaas Nooitgedacht. Dit word gevolg deur die ongelofflike Dutoit's Drop, 'n "single track" wat ons van 'n reddelike hoogte punt laat daal tot op die vlak van Prins Alfred Hamlet. Redelik tegnies en 'n paar rowwe gedeeltes, maar "exilerating"! Ons bereik waterpunt 1 na 1:32 en 27 km. Dit word gevolg deur 'n redelik klim oor 'n randjie met redelik rybare "jeep tracks" na waterpunt 2 op 47 km en na net onder die 3 uur in die saal. Terwyl ons hierdie gedeelte ry kan ons links sien waar die radio mas, wat op die bo punt van die Merino Monster is. Hierna volg 'n goeie klim met 'n ou wappad wat ons tot by die teerpad neem wat van Ceres in Sutherland se rigting loop. Na so 'n entjie op die teerpad draai ons links op 'n grondpad wat ons na die afdraai Merino toe neem. 

Waterpunt 3 is aan die begin van die bekende Merino Monster, 'n klim van 1,000 meter oor 12 km! Ek ry die eerste gedeelte van klim totdat ek besluit die gradient is te erg en dit is te warm om te ry. Ek scoot die volgende 2-3 km. Die gradient is nou beter en daar terk ook 'n luggie wat die ry toestande beter maak. Ek ry die res van die klim tot by die waterpunt. Die uitsig van bo is absoluut ongelooflik. Op 'n mooi dag is Tafelberg sigbaar, maar nie vandag nie. Te dynserig. Ek loop weer vir Johan Breunissen hier raak. Ons gesels en neem 'n paar foto's en dan pak ek die tog teen die agterkant van die berg af, aan. Die eerste gedeelte is met sement blokke geplavy. Dan word ons egter op 'n baie rowe jeep track afgegooi. Die oppervlak is baie klipperig en alhoewel ek tot onder ry, lê ek maar versigtigheid aan die dag. Daar kom ook 'n paar haastige ryers by my verby. 

Onder in die vlak kry ons eers 'n lekker stukkie distikspad voordat ons weer op ' n "single track", wat ons deur 'n paar plase neem, herlei word. Ek voel sterk en gaan weer verby 'n paar van die ryers wat vroeër by my verby is. Net voor die einde kom 'n twee man span by my verby en ek hak by hulle aan tot so 500 meter van die einde af. Dan los ek hulle en ry die laaste stukkie rustig. 

Ek voltooi die 86 km in 6:38, 54ste algeheel en 2de in grand masters. 



Sent from my iPhone

Tankwa Trek Dag 1


Ampal Biltong en Nutri Pick, wat my klere vir BB2BB geborg het, het onderneem om my inskrywingsgeld vir die Tankwa Trek te borg.

Donderdagmiddag net voor 14:00 vat ek die pad Kaleo, net anderkant Ceres in die Koue Bokkeveld, toe. Ek kom so net na 17:00 daar aan. Kry parkering onder 'n koelteboom, registreer en kies 'n tent. Omtrent al die tente is in die koelte onder akkerbome wat mooi in rye geplant is. 

Aandete is 18:00 en "race briefing" 19:00. Toe ek wil gaan stort kom ek agter dat ek nie 'n handfiek en seep gebring het nie! Daar is gelukkig 'n redelik skoon afdroogdoek, wat ek vir my fiets gebruik, agter in my motor. Hy sal maar die naweek as "handdoek" moet dien!

Ek stel my wekker vir 05:15, maar raak net voor 05:00 wakker. Staan op, skeer(kop), borsel tande, sit kontaklense in en gaan eet. Beweeg wegspring toe do 06:15.

Ek is in groep C, die laaste groep en ons spring 06:40 weg. Die eerste 3 km is op plaaspaaie, wat die groep "rek" maar nie genoeg nie. Ons kom by die eerste "single track" en kom tot stilstand. Vordering is stadig en dit neem ons 'n hele tydjie om die volgende 6 km af te lê. Teen daardie tyd het ons redelik uitgedprei en ons vorder goed. Ons ry onder andere oor die teerpad wat ek gery het vanaf Kareekloof na Witzenbergvallei. Ons ry egter nie op die teer nie, maar met "single tracks" wat eers links en dan regs van die teerpad loop. 

Aan die begin van die Witzebergvallei draai ons Noord en kom na 'n rukkie by die eerste waterpunt. Ek drink twee bekertjies water, neem 'n eet dingetjie en val weer in die pad. Ek tel twee Duitsers op en ons gesels so 'n bietjie. Hulle vertel dat hulle vroeër die week in die sneeu gery het. Nou is dit amper 30 en dit is net na 08:00! Wanneer ons afdraai van die teerpad, laat ek hulle agter. 

Die volgende twee uur se ry is meesal enkel gelid met baie tegniese klimme en afdraandes. Ek vorder egter goed en op 45 km, halfpad, staan my tyd op 3:08 en ek behoort in 6:15 klaar te maak, indien tweede helfte nie moeiliker is nie. 

Na 'n rukkie begin ons egter klim. Dit is aanvanklik nie 'n moeilike klim nie, maar hy is lank! Die eerste gedeelte is deur 'n plantasie wat lekker koelte gee, maar later is ons op die rug van die berg en bak ons in die son. Die rug is ook baie ongelyk met 'n paar lelike klimme. Die laaste gedeelte is ook heeltemal kaal as gevolg van 'n brand. Die uitsig is onverbeterlik. Oppad af sluit ons aan by die pad wat ek gery tydens BB2BB, maar die keer af, wat baie rof is!

In die leegte is daar 'n waterpunt onder die bome. Na 'n kort stop vat ek weer die pad. Daar is nog net meer as 20 km oor, maar ons moet nog oor die Witzenbergnek op waar ons vanoggend af gekom het!  Dit is net voor 12:00 en in die kloof is dit ongelooflik warm! Aan die einde van dag sien ek dat die maksimum temperatuur van 46 grade Celsius hier gemeet is! Ons klim die nek, kruis die teerpad, gaan anderkant gedeeltelik teen die rant af en klim weer terug na die teerpad waar die laaste waterpunt is. Daar is 'n groot kom met water en al die ryers wat stop staan nader vir 'n beker koue water oor die kop om af te koel! 

Die laaste 10 km einde toe is oor privaat grond met vrugteboorde en landerye tot 3 km van die einde. Dan is daar 'n ongelooflike stukkie "single track" oor die rantjie agter Kaleo wat onbesktyflik mooi is. Ons ry onder andere tussen 'n paar Cederberg rotse deur 'n natuurlik boog vorm. Baie, baie mooi.

Na 6:48 in die saal voltooi ek die 90.2 km en eindig 63ste uit die 99 Solo deelnemers wat klaar maak. Eerste in Grand Masters. 



Sent from my iPhone

Oak Valley 24 uur


Alhoewel ek ingeskryf het, het ek vooraf besluit om net 8 rondtes te doen en Saterdagaand huus toe te kom.

Ek is 09:00  by die huis weg, goeie staan plek in die kamp terrein gekry en geregistreer. Toe dk aantrek besef ek dat my fietsry handskoene, wat vroeër die week gewas is, nie saam gekom het nie. Ek het amper sover gegaan om 'n nuwe paar te koop, maar toe sê die ryer wat kangs my geparkeer was, dat hy 'n spaar stel het wat ek kan leen.

Soos gewoonlik het ons met 'n Le Mans wegspring begin. Ek het my Garmin net voor die begin aan gesit, maar met die wegspring druk ek toe die aan/af knop in stede van Start. Dit kom ek eers na 9 minute agter. Gelukkig sit ek nog altyd my Polar aan en dit het van die begin gemeet.

Die roete was 'n bietjie aangepas as gevolg van die reën wat Vrydag geval het. Die verander was eintlik goed. Die veradering was lekker. Dit het egter die rondtes met ongeveer een kilometer vermeerder. Die klim werk was soortgelyk aan die ou roete. 

My eerste rondte was net oor 44 minute. Die tweede neem 43 en ek hou so om en by 45 minute. Op rondte 5 jou ek stil om my waterbottel vul en iets te eet. Daarna ry ek nog 4 rondtes en maak 19:02 klaar. 9 rondtes in 7:02, 'n gemiddelde van 46.89 per rondte. 22:30 was ek aan die slaap langs my vrou by die huis


Sent from my iPhone

Attakwas


21 Januarie 2017 - My 8ste Attakwas

Ek en Hoffie Conradie het besluit om weer die Attakwas te doen. Hoffie was veronderstel om my 13:00 by my huis te kry, maar as gevolg van probleme mrt sy fietsrak en 'n misverstand met sy dogter oor die hetstel daarvan, daag hy eers 14:00 by my op. Sy dag het 04:00 begin, toe hy in Butterworth opgestaan het, Oos London toe gery het, die vidgtuig Kaap toe gehaal het, met Uber na sy dogter gery het en weer vandaar na waar sy motor was en daarna vir my kom haal. Voorwaar 'n besige skedule om die dag mee te begin.

Ons rit Oudsthoorn toe het goed afgeloop. Ons was net voor 19::00 daar. Het gou by NA Smit, waar ons sou oornag, in geboek, vir die wedren geregistreer en na Bella Cuba gegaan vir aandete.

By slaapplek het ons eers looitjies getrek oor wie bo moes slaap want daar was net 'n dubbelbed onder. Ek verloor toe en moes met die leer opklom na die enkel  bed op die boonste vloer. Daarna het ons eers krieket klaar gekyk voordat ons aan die slaap gekom het. 

Ons was net na 05:00 op en het toe eers besef dat ons nie ontbyt saam gebring het nie. Opgepak en die pad na die wegspring gevat. So 'n vyf minute weg besef Hoffie dat hy sy selfoon in die bangalow vergeet het. Gou terug om dit te kry en weer pad begin toe gevat. Ons het in goeie tyd parkeer plek gery en Hoffie het die motor sleutels in gegee sodat sy motor Groitbrak toe geneem kom word.

In die verlede het hulle eetgoed ny die wegspring voorsien, maar nie meer nie. Ons moes toe maar tevede wees om kitskoffie te koop. Hulle het darem vir ons 'n paar stukkies beskuit saam met die koffie gegee.

Ons het albei in die D groep, wat 06:50 weggespring het, begin. Terwyl ek in die wegspring hok staan en wag vir die begin, desef ek dat ek nie my waterbottel vol gemaak het nie! Ek kyk toe rond dn sien 'n ou met twee waterbottels op sy fiets wat bedig is om uit 'n derde bottel te drink. Ek vra hom toe vir die oorskiet in sy derde bottel. Hy wou eers protesteer dat dit 'n aangemmaakte energie drankie is, maar gooi toe die oorskiet in my bottel. 

Die eerste 10 km is altyd 'n uitsorteer proses, maar die pas was darem redelik en ons bereik die eerste waterpunt na ongeveer 2 uur. Hier kry ek toe vir Johan Breunissen en Allewyn Olwage wat saam met ons in die Kalagadi was in Oktober 2016. Ek kon ook my waterbottel vol maak. 

Van waterpunt een tot by drie ry ons meesal jeep tracks deur privaat grond en natuur reservate. Dit behels 'n paar rowwe gedeeltes en ook 'n bietjie stootwerk. Ek het weereens die tegniese gedeelte net voor die Spur waterpunt gery gekry. Ek moet sê dit is meer rybaar nadat hulle 'n voor verlede jaar se wedren 'n bietjie werk daar gedoen het.

Op 60 km, wat net voor die Sour punt is, het dit gelyk of ek net onder 8 uur sou in kom, so daar was iets om voor te werk. Die laaste 50 km is op distriks paaie, maar dit is baie op en af met twee "killer" bulte in die laaste 20 km. Ek het egter goed gevoel en die weer was redelik met 'n ligte windie wat eintlik 'n lafenis was. 

Met nog so 30 km oor het dit gelyk of ek nie onder 8 uur sou in kom nie. Ek het toe maar berus vir 'n tyd van 8:15-8:30. Op die voorlaaste bult het daar 'n spraaksame ryer by aangesluit en die menig gelug dat ons wel 8 uur kan breek. 

Na die laaste bult het daar 'n paar vinnige manne verby gekom en ek kon by hulle inhak. Ons het later 'n redelike groep gevorm wat lekker saam gewerk het. Dit was op hierdie stadium duidelik dat ek my mikpunt sou bereik. Op die laaste draai kon ek voor 'n paar van die manne inval en oppad na die einde het ek die laaste verby gegaan. Op 7:55 is oor die eindstreep!

Hoffie het ook goed gery en amper 45 minute beter as verlede jaar gery.



Sent from my iPhone